MANONTON DALAN
antis umbutay so banuad letakan
manaames kami lad angalakan
tarok miray pastol min amesen
iguran mi baog dan unkukusen
ekalay ampas insan terakteraken
naangub koy dalan ampasaseng
dugaruga naaninaw milay liwawa
aangub-anguban toy linggas na uma
mangalisangew iray dikarikan garana
birbirdi ya tua saray ayep labalabay da
walay awit min palpal ikutep mid pegley
naerasay ayep no say lubir da et antikey
kasumpal to manusilan kamin unsempet
unurong kami; agak unsaew lapur lewet
siguro aray mamasiken maestro day duweg
mandalingirang lay banua wadman mantemeg
aminsan nablos so pastol ko angay balatong
bimmibiret so ebet ko, agi agak makayurong
Subscribe to:
Post Comments (Atom)
No comments:
Post a Comment