manonton dalan
nanonotan mo kasi liwaway letakan
ya ap-aplusan toy uman naiyanakan
saray masasanting iran kalangweran
sayaw da et balitad sangkamunduan
saray ilalak iran maligligan sempetan
saray samit na iliw nabekad lingwan
nanonotan mo ni kasi ray bakabakat
ya inantabay na panangaro tan irap
ya no unsaip er nonot, makasungap
patertere’y lua diyad aping unkamayat
untan met ed likeliket na sankabulegan
simmalumpapak tan ag la nasabsabaan
narengel moray es-esaes daray dagem
saray terter na malinlinew iran linaew
saray billit er tagey manpapasirayew
nanlaktipan iran liman sikay sasambaen
maaron bibil sikan sika’y tutungtungen
ta sika may inararon anak ya bitewen
Subscribe to:
Post Comments (Atom)
No comments:
Post a Comment