manonton dalan
(akatandagak ed bintanan
iibegan koy santing daray
kaliberliber nen limmesayan
anlong)
liwawad bukig unkakamayat
pinabusel toy ligligad luyag
kansiyon iran masaysayaksak
iiliwen toy maar-aron lakap
mitimiti ran bibil, abitlabitlan
ngaran, akalukip er pankaindan
sulming er pagew manlangalang
nantupag ya dakulap nalmo toy aping
sinuroy toy buek, insalar tod dingding
emel ya pansibsibek amalsay ermen
paterter lay luwan abayag lan benben
“agaylay ruksam inaro” naiyebkas
tan andukey iran tungtung, marmarlas
pinaksot na katok er puwertan lukas
batika immabet, amina erme’y apunas
Subscribe to:
Post Comments (Atom)
No comments:
Post a Comment