MANONTON DALAN
no lingayen koray bakat kod taew
unsibang iray pukapukal er pagew
agew koran amantilasay tagtagleey
diyad bilunget matak so manimemey
wala may ibabandok so ngaran mon
abageyen moak balet inakmoy daluyon
akasungapak binassiyok na nengneng
inalagar koy likliknak ya unlaineng
atangay koy elek daray mantiktikyab
manpanta ra say payak day mankuyab
agda ibebeleng so aw-awey dan lawas
mananap labat na pamaksoy era-eras
aliwan kaparak dakela liman unkerew
agda natatalusan nepeg naitday linew
pawilen ko lamet so bektan pakakailiw
kaparak imay mananap na inan siwsiw
no basaen koray suket kon pawit mo ra
napnuan nak na sayaksak ya aaruen taka
maime-imeng so ugip kod labin mapalpalna
amamayok iray imis mo ran maligliga
suket- email
Subscribe to:
Post Comments (Atom)
No comments:
Post a Comment