MANONTON DALAN
terter na linaew er kabuasan
unagused bulong punpunasan
dabok ya intiktikyab na dagem
ya asabiyay bilunget na ngarem
palabasen toy santing abangunan
pati busel na dosas mapasirayew
dagupey pukyutan tan kumpapey
panliketan day delo tan balingit
tarok day bini itikyab dan pilit
diyad mapaleper ya tiktikyab da
isibbuak day panmunatay bunga
saray masinsinte yoran ele-eleng
pakaskasin mansinglot, apanateng
manluwa ray matamata, mabeleng
balet inaro agmo ipapalsad siyak
ya maney-ey so liknam lapur siyak
nayarin akuen ko no lakapen moak
itepel koni karukarut mon unsugat
Sunday, February 22, 2009
Subscribe to:
Post Comments (Atom)
No comments:
Post a Comment